Eid, LUV U ALL <3
Posted by: Funz on: November 27, 2009
يـزفـّون البـشـايـر لـي ..
يهـنـونـي بجـيـة ” عـيــد ” ..
ومـا يـدرون ويــّاكـم ..
حـيـاتي كـلها أعـيـــاد .. !!
انـا معـكم وسـط فـرحـه ..
وسـعـاده كـل يـوم تـزيـد ..
ويـتـجـدد بـشـوفـتـكـم ..
مـيـلاد ٍ ورا ميــلاد … !
مصابنا فيك أعظم يا حبيب الله
Posted by: Funz on: November 25, 2009
قال تعالى :-
( وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ)
عندما تذكر الوفاه.. يشعر الحيّ من البشر
ببروده تسري في جسده
كأنه.. استيقظ فجأه على السنّه الكونيه للكائنات الحيه
دخلت العزا.. لأحد اصدقاء العائله
ماعرف شنو الشعور الذي يجب ان اظهره
لكن اعلم ولله الحمد.. ان اقيس ردّت الفعل الي يجب اظهارها
من مواساه لهم.. الله يصبر قلوبهم وقلب كل من فقد حبيب
اتوقع ان الجميع ذاقو طعم مرورة فقدان حبيب من الأسره او الأقارب
لااعلم هل هي نعمه ام نقمه !
لكن اعلم ان الله سبحانه وتعالى كتب نهايتنا موت
وان لازم نعمل لاخرتنا.. لكن مش لازم نكون كئيبين
ولا راح نموت واحنا احياء ونتنفس !
ويقول صلى الله عليه وسلم في الحديث الذي صححه الألباني في السلسلة : {إذا أصيب أحدكم بمصيبة فليذكر مصيبته بي؛ فإنها أعظم المصائب }
علمنا الحبيب صلى الله عليه وسلم
ان الصبر عند المصيبة الأولى.. فهذي تكون من صفات المؤمنين
رسول الله صلى الله عليه وسلم يقول: { ما من عبد تصيبه مصيبة، فيقول: إنا لله وإنا إليه راجعون، اللهم أجرني في مصيبتي، واخلفني خيراً منها؛ إلا آجره الله في مصيبته، وأخلف له خيراً منها }
لما ازعل على فرقا أحبه على قلبي..
وان شقد بيوتهم فاقدتهم
تخنقني العبره وغالبا ابكي
لكن أعلم أخيراً فقدان خاتم الأنبياء حبيبي محمد
كان ابتلاء عظيم.. لايعلمه الا الي حس بفقدان غالي
أن رسول الله صلى الله عليه وسلم قال: {يقول الله عز وجل: ما لعبدي المؤمن عندي جزاء إذا قبضت صَفِّيَه من أهل الدنيا، ثم احتسبه إلا الجنة }.
اللهم امسح على قلوب من فقد غاليه او عانى بغياب أحبه
وصبر قلوب أهلّ المتوفى وكنّ معهم ويسرّ امورهم وارزقهم الخير
فقال : أريد أن أزور شهداء أحد فذهب الي شهداء أحد ووقف علي قبور الشهداء وقال : السلام عليكم يا شهداء أحد
، أنتم السابقون وإنا إنشاء الله بكم لاحقون ، وإني إنشاء الله بكم لاحق .
وأثناء رجوعه من الزياره بكي رسول الله ( صلى الله عليه وسلم ( قالوا ما يبكيك يا رسول الله ؟ قال : اشتقت الي إخواني ، قالوا : أولسنا إخوانك يا رسول الله ؟ قال : لا
أنتم أصحابي ، أما إخواني فقوم يأتون من بعدي يؤمنون بي ولم يروني .
اللهم أنا نسالك أن نكون منهم
واخر دعوانا ان الحمد الله رب العالمين
لاحد ينسى صيام باجر عرفه ان شاء الله ;D
تقبل الله طاعاتكم جميعا.. وينعاد عليكم بالصحه والعافيه ;*
توي ادري بيوسف المطرف!
Posted by: Funz on: November 24, 2009
لو آخر ليله.. أبيها
Posted by: Funz on: November 23, 2009
ليلة لو باقي ليلة ..
بعمري ابيه الليلة ..
و اسهر في ليل عيونك ..
وهي ليلة عمر ..يالله ..يالله ..وش كثر انا احـــب .. انا احــب ..
احلم .. احلم بك دايـــــــم ..
جنبي..و انا صاحي و نـايم..
ياللي ايامي بدونك ماهي من العمر ..
ياللي سواد عيونك افديه العمــــر ..
لندنيه #3
Posted by: Funz on: November 20, 2009
- In: 7zawy
- 10 Comments
رحتي رحتي ..
وشاغلني سؤال..
القاك القاك ..
اوهذا محال..
حسب الظروف ..
وداخلني خوف..
قلت الصبر
قلت ياغالية..
ولهان انا بالحيل ولهان..
خليتي وقتي انتظار..
الليل ماهوليل..
ونهاري ماهو نهار..
اشتري عمري اشتريه..
ياأمل اوله عليه..
من عرفتك ..
وانا ماعندي سوالف الا انتي..
من عرفتك..
شوقي واحساسي سكن وين ماسكنتي..
ويل ياويلي من الظروف ..
ياويلي والوقت يطوف..
ردي علي ردي ..
واخذي العمر كل العمر مهر
جيجي ماترد على إتصالات فهد !
يسويلها تكستنج على البي بي بس ماترد لكن تقرا
شالي صار !
في نفس اليوم تقابلهم في الحديقه
ماردت عليه لما اتصلها بعدين
لكن بالليل ردت على التكستنج على البي بي
حاول فهد يعرف ليش اختفت.. وضحت له ان شافت جاكي
فماتبي تخلي حد يعرف عن وجوده في حياتها وحست انها تأخرت على اهلها
من جذيه استعجلت..
وسألها.. هل ان يهون عليها ..انها راحت ولا ودعته!
ففهمت جيجي ان فهد من النوع الحساس.. فحاولت ان تبين له
انها تخزبقت من جذيه ماعرفت شنو تسوي
فهد من النوع الطيييب والحساس.. فسامحها
بعد يومين من اللقيا.. كان فهد عن ربعه بالشقه
شوي الا تدق جيجي!
فهد يطلع من المكان الي فيه ربعه ويرد: مرحبا جيجي
جيجي مستعجله: انا في هارودز فهد ابي اعرف ايش قياسك.. بسرعه موبايلي لو بتري
فهد: وانا عند ربعي لا لا سخيفه.. انسي
جيجي مستعجله اكثر: شكلك مطول وماراح تعطيني.. بس ابيك تجي تاخذ مني الهديه
استغرب فهد انها سكرت الخط بدون باي!
لما طفى جهازها ..خذتها على أقرب مكان فيه اجهزه بهارودز
وطلبت منهم ان يشحنونه لها..
فقعدت تنطر على أحرّ من الجمر عشان ترجع تكلمه
خلت تلفونها وراحت تدور شوي.. فكرت تاخذله شي ماله قياس
فإختارت وشاح كشميري راقي.. يدفيه بهالوقت من السنه
وراح دايم يتذكرها فيه.. وبيكون أقرب لجسده منها
لما خذت الكيس الي فيه الهديه المغلفه
قالت ترجع تاخذ تلفونها عشان تكلمه
في نفس الاتجاه الي هي ماشيه فيه
جاهه معاكس لها.. في الطريق فهد
فهد وهو غرقان من المطر ومبلل ويلهث
يبتسم لها ويقول: جيجي ..ان شاء الله ماتأخرت!
جيجي اختلطت مشاعر فرحة شوفته وخوفها عليه: فهااااد ايش مسوي بنفسك
فهد: جيت ألحق عليج قبل لاتتطعين من هني!!
تشوفه يرجف من البرد وتقوله وهي متحسفه: انا اسفه ماكنت اقصد
فهد: جيجي لاتكثرين حجي ترا اختج هني!
جيجي وبدا التوتر بادي عليها: خذ هذا وروح عشان ماتشوفنا مع بعض
فهد: من صجج.. لا لا تعطيني هديه ليش لا لا بليز
أحرجتنا وحنا تونا ما حكينا
جيت أقول وابعد الخوف بكلامي
جيت اطمنها واحسسها بغرامي
ارجوك أبعد ابعد
ترى في الجو غيم
جيجي: الله يخليك خذها وروح لاتشوفني معاك
فهد: بس ابي احجيج شوي
ماقدرت جيجي تقول لا، وهي تشوف المغامره الي سواها علشانها
برد ومطر ومنطقة بعيده وجاها يركض!!!
جيجي: الله يخليك تكلم بسرعه..
مع ابتسامه خلت فهد يحس ان الجو انقلب صيف ودفى
فهد: شكرا شكرا جد انتي عيشتيني هاليومين احلى متعه ماحلمت فيها
شوي الا فهد ترتفع عينه عن جيجي وتشوف ورا
خافت جيجي.. والتفت عشان تشوف الي يشوفه فهد
لولا..
راح فهد ..
راحت مشت
وعيوني تتبعها
راحت مشت
مجبور أودعها
يرضيك يا شوق
كذي العيون تمنعها
يرضيك يا شوق
يرضيك بالبور
تطالعني واطالعها
والله لولا لولا
عيون الناس
والله لولا ولولا
كلام الناس
والله لولا الحيا
واخشى واخاف الملامه
لمشي وراه واتبعه
وازرع في قلبي ابتسامه
تقرب لولا من جيجي وتسألها من هذا الشخص
جيجي توترت.. بعدها قالت لها هذا فهد
اول مره جيجي تكون جريئه بهالصوره
وتبين حبها لشاب !
لولا.. ماتكلمت.. ابتسمت وخلت جيجي بالمكان واطلعت
جيجي ماتت من الخوف.. شنو ناويه لولا تسوي!
طلعت جيجي من هارودز مع ماخذت جهازها
طول الوقت فهد يسويلها تكستنج على البي بي
يتطمن عليها ويتأسف لها انه احرجها مع أختها
وطول الوقت يسأل عنها
لا والذي سواك ما اريد سلواك
ما اخبر نفس قد تمنت قدرها
لما طلعت تحت المطر تذكرت شلون جاها
وهو مبلل وشلون هالمطر الي هي تحته الحين بلله
فقعدت تمشي وهي مستمتعه تحته.. وتذكر فهد شلون سوا هذا علشانها
رجعت جيجي البيت
لولا قاعده تضبّ اغراضها بالشنطه
جيجي انصدمت من الي قاعده لولا تسويه
جيجي: لولا ..ايش صاير
لولا: انتي فاهمه زين.. احنا ماجينا عشان متعتك.. نسيتي نفسك
جيجي وعيونها مليانه دموع: لولا الله يخليكِ افهميني
لولا تقاطع جيجي: الله يخليكِ.. مابغا اعرف.. روحي إجمعي أغراضك بكره احنا بالمطار
جيجي والصدمه باينه عليها: لاااا.. ماكمل اسبوع على وصولنا.. الله يخليكِ
لولا: شنو ناطرين بعد.. تجيبيه هنا
طلعت جيجي من غرفة لولا وهي مو قادره تمسك نفسها من البكاء
سكرت جهازها ..وحاولت تستوعب الي يصير!
بعد ساعتين
جيجي تفكر “
اي والله ايش نهايتي مع فهد!
هل جد انا احبه او بس حب فتره وبتعدي
او اني قاعده اتسلى وألعب بمشاعره الإنسانيه
ولا اني متعه له !
قبل لاتنام جيجي قعدت تجمع حاجاتها واخيرا سكرت شنطتها
فتحت جهازها..
وفهد ماخلى كلمه من وصف المشاعر ماكتبها لها
واكثر من ٥ اتصالات جاتها وجهازها مسكر
لكن ماحاولت تتصل له ولاترد على البي بي ام
حطت الجهاز سايلنت وحاولت تنام
في الصباح الباكر “
تدخل لولا على جيجي في غرفتها تسحب شنطتها
وتنزلها حق جاكي عشان يركبها السياره
لكن جيجي لين احين ماصحت من النوم
لولا تقرب من جيجي وتصحيها
جيجي في قمّة التعب من امس والتفكير
تقوم تبدل ولم تكفّ عينها عن الدموع والبكاء
تدعي ربها ..ان اذا كان حقيقه مشاعرهم
ان الله يجمعهم مره ثانيه وللأبد
تنزل بتثاقل.. عشان تسلم على ابوها ويروحون المطار
ابوها انقبض قلبه لما شاف بنته تعبانه
الوالد: ايش فيكِ ياقلب بابا
جيجي وخانقتها العبره: لا بابا مافي شي.. بافارقك ومو قادره
الوالد: والله ان قايل للولا ان تطولو كمان.. على اني مو قادر اشوفكم كثير عشان العمل
جيجي وهي تحضن ابوها: لا معذور بابا.. ان شاء الله انجيك بالكرسمس
يتوادعون… ويتجهون للمطار
جيجي تنطر البوردنج
لولا تخلص كم شغله مع جاكي
تنتهز جيجي الفرصه وتكلم فهد تودعه
يرن ويرن لين ماحست جيجي ان روحها يتطلع قبل لايرد فهد
فهد: الو الو ..جيجي
جيجي مع كبح لصوت الحزن فيها: هلا يااحلى فهود بالدنيا
فهد في قمة السعاده التي بدت على صوته: مرحبا جيجي.. شحالج خوفتيني عليج
جيجي: تطمن انا بخير
فهد: في شي ودي اقوله
جيجي وقلبها بيوقف.. خافت عليه: ايش فهد طمني
فهد: لا لا لاتحاتين ..بس ودي اقولها من زمان
جيجي: امرني.. مو تقول بس
فهد بعد ثانية صمت: أحبج
جيجي والغصّه تقتلها: سمعت محمد عبده ايش يقول
فهد وهو متحمس: شيقول
جيجي تعصرها الفرقا: لذة الحب
يكملها معها وبصوت واحد: في الشي القليل
صمت.. ثم شهقت من البكاء جيجي
اصدمت فهد وعلا صوته وهو يسألها: جيجي انا غلطت
شفييييج قوللللييي.. شالي صار
جيجي متداركه الحوار بالكامل: فهد انا بهيثرو
سكت فهد.. حاول يتمالك نفسه لكن تسمعه يبكي
فهد والبكاء بدد صوته وبدا بالاختفاء: ليش جيجي
ليش لما حبيت بصدق ولأول مره ..افقده
جيجي وهي تبكي: هذا القدر فهد.. لكن والله اني يا أحب الناس احبك
فهد وجيجي ضلّو على السماعه بلا كلمه
يسمعون انفاس بعض.. فقط
ركبت الطياره ولم تقفل الخط.. اقلعت بها حتى انقطع الخط من الشبكه
فقدت التواصل معه..
قال الوداع وقلت ريع لي شوي
اصبر ترى عمر السعاده ثواني
قال الظروف وقلت عن ظرفه عي
تعال وقف ساعتك في زماني
قال احترق في شمسها وانت في فيّ
ماكل ماغطى عيوبك كساني
قلت العفو بصبر على حامي الكي
واكسيك من صبري كساوي حناني
قال الحقيقه شي واحلامنا شي
والشاهد الله ليت هذا مكاني
قلت الوعد قال الوعد يابعد حي
لاصاح لك قلبي وقلبك دعاني
